الثلاثاء، 8 سبتمبر، 2009

لفات الطرح المناسبة...


الوجه الطويل

الرابطه العادية مناسبة..علشان بتبرز الخدود تجيب الطرحة بعد الودان علي طول و نربطها من الامام بحيث الخدود تكون بارزة و دة هيقلل او هيحد من طول الوجه و كمان ممكن تعمل الطرحة لتحت في اتجاه الخلف او علي جنب .و بعدين تقصر الجبهة و تضيف اي حاجة علي جنب علشان الوجه يبان انه عريض و خلي بالك ان الوجه الطويل لا يتناسب معاه الربطة العالية لانها حتطول الوجه أكثر.

الوجه المدور

يبقى بلاش تلف الطرح على جنب إطلاقا لأنها تزيد من مساحة (الخدود) وتعمل الطرحة للخلف، لتحت أو لفوق، وممكن تعمل الطرحة شنيوه لفوق، وممكن تعمل الربطة ديل حصان لفوق عشان الوش يكون رفيع.


الوجه المربع والمستطيل

بيكون عنده أربع بذور، اثنتين في الجبهة واثنتين في الفكين وعلشان كده لازم تنزل بالطرحة لتحت شوية ونعمل (كروس) طرحة عكس الثانية والطرحة بتساعد إن الوش يكون رفيع وتحاول تداري الجبهة وتحاول تنزل بالطرحة على الجبهة وتقفل الجبهة.

الوجه البيضاوي

معظم الربطات تمشي معاه وممكن تعمل ربطة على جنب أو تقفل من قدام أو تعمل كروس.


صاحبة الأنف الكبير

صاحبة الأنف الكبير بيكون عندها مشكلة في الحجاب لأن أنفها ظاهر وواضح في الوجه وفي هذه الحالة ماينفعش معاها إننا نعمل إسبانش للخلف أو طرحة هابطة وماسكة على وجهها فتحاول إنها تلبس طرحة منفوشة شوية أو تضع إكسسوار أو تعمل أكتر من طبقة أو تدخل أكثر من بندانة عشان تخطف العين ولا تجعل التركيز على أنفها.

صاحبة الشفايف كبيرة

نفس الحكاية تحاول تلفت النظر بأي شيء يبعد التركيز عن وجهها وتعمل ماكياج كثير على عينها والطرحة تكون منفوشة وتغير في الربطات والألوان.


صاحبة الجبه العريضة

بنحاول إن الربطة ماتكونش صغيرة، يعني نحاول ندي الوش حجم بحيث يتم الحد من عرض الجبهة.

لو البشرة تعبانة

لو البشرة تعبانة بنحاول نختار ألوان قوية ده بيعمل زي خداع بصري...


لو واحدة شقراء وعينيها ملونة

نصيحتي تبعد عن لون عينيها، يعني بلاش أزرق أو أخضر ممكن تختار الـ Hot colorsالألوان الساخنة درجات "الأحمر- البرتقالي الأصفر" عشان الطرحة تظهر جمالها وممكن لو حابّة تحط إكسسوار يكون لون عينيها...

لو واحدة بيضاء وعينيها بني أو عسلي

تعمل Mix بين الـHot colors الأحمر والأصفر والبرتقالي طبعا بدرجاتهم حسب لبسها وبين الـ cool colorsالأزرق والسماوي والأخضر والبيج، يعني تمزج بين الألوان الفاتحة والغامقة.. على فكرة المزج بيدي شكل جميل جدا للوجه وبيبرز جماله أكتر.

ولو خمرية وعينيها ملونة

يبقى حلو جدا عليها الـHot colors -أحمر وأصفر وبرتقالي- وتكون أحلى مع الأحمر..

والخمرية وعينيها بني أو عسلي

تختار الـHot colors أحمر وأصفر وبرتقالي... وتبعد عن الأزرق أو اللبني ولو عايزة تعمل Mix بين الـHot، Coolيكون الـCool أكثر يعني مثلاً لو عايزة تلبس بيج في تركواز يكون التركواز أكثر. لأن التركواز لون بارد.

ليست هناك تعليقات:

إرسال تعليق